شامة درويش
كي توجع ماتحن ماتقول خسارة** ياويح المفتون بيك اموت عليل
* جرحك مايبراش ضربة باشتارة* وانا راني شامخة موحال انعيل**
اعمل واش بغيت هذي اشارة** يامن قلت ا نقيسها بلاك اتميل**
كي شامخ لطواد واللى جبارة** قوة ريحك ماتحركني بالميل
* سول جبل ادباغ عني واخزارة** زناتية تاريخنا من قبل اقبيل**
نبقى ديما واقفة كي هوارة** مانتهز ما يهولني تهويل**
بنت خميسي ناس عرشي قهارة** تاريخو معروف مجاهد أصيل*
* يكفيني تاريخ ناسي نغارة** نعرة للمظيوم كي يشتد الويل**
ونايا مانخون مانخدع جارة** ساسي معدن كالذهب ميزان ثقيل*
* مانشري مانبيع ماني تجارة** ماني سلعة بايرة في سوق هزيل**
ذي شامة درويش دارت أمارة** فالأدب شعارها ويدان اتسيل*
* يسمعني لغريب ينسى لمرارة** يتغذى بقصايدي عابر سبيل**
والممحون يصيب لهواه دبارة** بين بيات قصايدي يلقى الخليل
* زي القمرة فالسماء دارت دارة** حين يغيب ضياه نطلع نوع سهيل**
