محمد آدم بركة
روقي يا نبض المواجع
خوفي كُل ما ولى عاد
بينا فيض آمال تلاقي
و لسه ما حان الميعاد
طاوِعْي الحظ المُعشرِق
بالأماني الميته جُور
شرفي الأمل المُكَّبِلْ
بي خطاويك السرور
هِلي يا زغرودة سارة
أنثري الندى والبخور
بينا موعد شوق و إلفة
و قهوة في عز الحنين
قعدة بين لحظات تسامي
تمحى فجوات الأنين
بيني بينك فجرِ لابد
راجي يشرق من سنين
طلي يا صبح التمني
وأسقي صمت الشوق وداد
قدرة الروح ماشة تكمل
كلما عز البعاد
والمشاعر حال مسافر
راجي من عينكي زاد
