• محمد الشويخ العقوري

قيس الفجر والعالم مرقد

اسمعت رقبة تغرد في غرود

خذيت القيس نمشي ونتفقد

لقيته حوش والنص مهدود

وفي عزوز قدامه تعدد

خذيت الركن نسمع في العدود

قالت قول والظلمة تردد

يا الجنين يانا يا الودود

يا الكريم فيس ما أسقد

ياللي كنت في العميا اتقود

فراقك مر في كبدي ايقدد

مافارقت لو عندي سعود

احذاها بوه عالفرشة امدد

مريض وضر روحه بالجحود

ونا هناك في عزمي انشدد

غير ألقيت دمعي عالخدود

يا هالدمعوفي اللوعة اتجدد

نين الضي ضوا عالوجود

لقيت احذاي ماملي امغدد

جابه صوت ماليه الفقود