الصيد الرقيعي.

مَهْمَا اخْتَلَفْنَا فِ الْجَسَدْ ……….

يَبْقَى الْجَسَدْ ………………….

مَدَارَاتْ …………………….

فِيهَا يَشْتَبِكْ …………………

أَسَاطِيرْ مِنْ عَالَمْ بَعِيدْ ………

وأَطْيَافْ مِنْ حَقِيقَهْ …………

وأَسْئِلَهْ وَأسْرَارْ ……………

الْجَسَدْ بَرْزَخْ يَلْتَحِفْ ……..

بْظَلْمَةْ الْمَاءْ ……………..

مَابِينْ طِينْ ونَارْ …………

الْجَسَدْ دَايَمْ فِ الْجَسَدْ ……

لايْجِفّْ فِيضْ مْنَابْعَهْ ……

ولاتَنْطَفي ………………

فِ صْوَامْعَهْ أَنْوَارْ ……..

الْجَسَدْ حَيْ …………….

يْسَافِرْ ويَرْجَعْ أَبَدْ ……..

والْمُوتْ مُوجَهْ عَابْرَهْ ….

عَلَى سْوَاحْلَهْ …………

بَعْدْ التَّعَبْ تِنْهَارْ ………

الْجَسَدْ مَعْزُوفَةْ شَفَقْ ……

ونَفْحَةْ عَرَقْ ……………

لَحْظَةْ تَعَرِّي الرِّيحْ …….

وِذْهُولْ الْوَرَقْ …………

وخْرَايْطَهْ غَابَاتْ ……..

للسِّرْبْ شَهْوَهْ ………..

ولِلْغَرِيزَهْ أَوْكَارْ ……..

الجَسَدْ عِنْوانْ الْحَيَاهْ ….

وِمِفْتَاحْهَا …………….

لُولاهْ مَاكَانَتْ حَيَاهْ …….

لُولاهْ ………………….

مَا كَانَتْ الدّنْيَا عَامْرَهْ …

لاطَعمْهَا يِنْسَاغْ ………

ولاحِلْوْ فِيهَا ………….

يَخْتَلِطْ بِمْرَارْ ………..