علي شحات
يسرق في من نوم العوافي..ايجيني حلم في صورةْ حقيقة
يحرم فيّ من لذةْ الغافي..يحسب في ايامي بالدقيقة
خطوره موج ماله شي مرافي..يعزق فيّ في ظلمة غريقة
ذكره شعر مبتور القوافي..ان وشوش طير مفتون بزقيقة
غيابه حر واظفاره مشافي..يهفي فيّ هفوة بودقيقة
رماد يتوق خافي جمر هافي..تحت الجمر تجمهر حريقة
كريهة جد يكره في اصدافي..وكبده لتوّ ع الملقى رقيقة
ايجي تسليس عقب الليل لافي..ويقدع كيف من طامر سريقة
ويحدر سيل شيل يشيل كافي..ان جاني مزن نعنشني بريقه
ايروّي وطن عافي حر دافي..ويبقى اجداب مستجير الليقة
وياتي طلّ تطّليم احقافي..يطير الطل ويعاود نقيقة
عقل تشل في جلده مشافي..نفاذي بلّ مشحوطة وثيقة
بسم الله يا العافي الشافي..طيبك حال يا عطبك انقيقة
