• شعر :: مصطفى بيري

كونه طاح طاح كل القدر

قبله الوطن راح

تسال ليش راهو طاح طاح..

ماعندك كرامة

ولا مازال نخوة ولا شهامة

عندك كان اللي شاحط حزاما

اضايق بيه تعباية سلاح

فك الحكم هو مالك احكاما

داير سو مو داير اصلاح

يسمع شيخ كاذب في احكاما

صادق الاسم صاقط فالنجاح

جاب الحرب والفتنة اقساما

ماعنداش فتوى للصلاح

خرب وطن يزهى بانقساما

باش يعيش هو بارتياح

جند شاب جاهل في اعلاما

مايعرفش خاسر مالرباح

وطول الوقت طبالة علامة

قايل بيه حي عالفلاح يجيكم

يوم وتزول الغمامة

ويهنا الوطن يمشي للركاح

بجيش كبير بادي في ارقاما

وسط المرج مطلوق السراح

تمدد زاد كبر في احجاما

وزاد عتاد وزايد فالسلاح

حموه رجال بزناد وفهاما رزانة

عقل وخدمة بارتياح …يتبع