• شعر :: محمود السالمي

سلامات .. الغلا كله ..

يغازل في عيونك بس .

ويشتاقك .. وهو ساكت ..

يحبك ..تحت حس ومس .

وذايب في كحل عينك ..

وقاتل وحشته الخنس ..

وهاذاك الهذب مغري

وعايش في السماحة يجس

ويستنى ليا جيتي ..

بلا منك .. عليك ونس .

بلا يلعن .. جمالك موت

دلالك .. هندسة ونفس ..

دوايرها نبض قلبي ..

مثلثها .. الروح يمس ..

ولما نقولها : نحبك ..

نحبك مش كلام وبس . .

وهي كلمة عديل الروح ..

وما في قولها نكابر ..

ولاعندي عليش ندس ..

عبيرك لا سرى هفهاف

في لحضة مسا دافي ..

وفي لحظة حضن غافي ..

ما تزيدي … اس ..

خليني نموت حنين ..

خليني الغرام : نحس ..