شعر :: فرج محمد اغنية
فيه فَــراغ مابِين الفــراغ
لو تَلقــاه نِفســي بالامكــان
فيه (العقــل).. رايــح بالبــراغ
وفيه(الفكــر)… ســارح بالاذهــان
وفيه(القلــب) ذايــب بالدّبــاغ
وفيه(اشفــاي) عجزت (واللّســان)
وفيه (الشِّيــب) واصل (للصّــداغ )
وفيه (الوجــه)خــافي عالعيــان
لاله (حِــل) لا عنــده (مصــاغ)
ولاهو (إنس) لاهو روح (جـان)
صوته لين يصدح بالصّمــاغ
شرابه (وِد) ّموكــوله (حنــان)
عاش العمر يُنْخَـرْ في (الدّمــاغ)
ســاكن فيه قايِــم بالاركـان
لاله (تــاج) لا عِــنده (شمــاغ)
ولاله (عرش) لا له (صَــوْلجــان)
لاله (كُــوع) لا عِنده (رسَــاغ)
فيه انســان عايش في انســان!!
لاهو قول عُــكْــلي لا امضــاغ
ولاننجــرر لديــارالهــوان
ولا لي (حــرف) مالغيــر استســاغ
امغيــر (الكُــوت) جامح بالعنــان
لامعنــاي (مــال) ولا (صِيــاغ)
(امن اوّل بيت) ياقـاري اعــلان…
شدّ الخيــط…. ماجاكِــش بــلاغ؟!
جيب السِّــر دُونــك يا افــلان
منلي ايجيــب صرفه والصّبــاغ؟
معاي ايخُــش في اوّل رِهــان.
