- شعر : إبراهيم عبد الجليل اغنية
مجدب وجافي وفيك مية ظليمه .
خير من الستي استار وامواهيمه .
حتى وسيلك طول …
وحتى بديت اجداب مانك لول .
قاعد مكانك في العلا ماحول .
ياوطن ناسي وعشرتي القديمة .
ومانسيبك حتى ومانجول .
فيك لجل فيك اوجوه موش سليمة .
قاعد حدا سعيي ولا نسول .
في بلاد لافيها حرم لاقيمة .
حتى وفيك مظالم .
مانسيبك موحال ربي عالم .
قاعد حدا سعيي ورايق سالم .
حامد الله بنعمته ونعيمة
حتى لجداب غطنك .
لنظار هاهن فيك ماخلنك .
انت قبل ياما من بعيد يجنك .
عرب عاربة تبي اديرك سيمه .
وهاهن اجدابك طولن هاننك .
وجدن عليك اوجوه موش سقيمة .
خذينا جفاك ونرتجو في حنك .
ياوطن وتعاود الناس مقيمة .
