•  علي بنناجي

ارمي بعيد الهم و اضحك ديما

و داوي وجع ليام بالتبسيمة

..

ارمي همومك

و ابدى بتباشير المحبة يومك

لل تلوم نفسك لا بشر يلومك

اللوم  ما تعطيه  حتى قيمة

و خليك بين الناس عالي سومك

هيبة و قدر و مرجلة و عزيمة

.

اضحك ياسر

و خليك على هم الحياه متجاسر

اللي يهز ثقل الوقت هو الخاسر

يعدن ايامه الكل في التصريمة

خوذ الهني و طلق الحال العاسر

و ارمي عليه ايمين بالتحريمة

.

فوت و خلي

و اللي تعدى مستحيل يولي

لا تكون ماللي عابسين و لا اللي

اللي يصنفو ضحك العباد جريمة

ببسمة صفا زين الصبح و حلي

نظر من يشوفك دوم بالتبسيمة

ترفع و خلي خاطرك متعلي

و البٍشر في وجوه المكارم شيمة