• د-أحمد الأزهري

الشباب الآن في حاجة لفهم بعض الأمور التي ربما تختلط عليه
لأن كثيرا منهم لم يتمكن الدين من قلبه مع ما فيه من الخير
لكنه واقع في شَرَك التصنيف بما يوافق هواه
فلو نصحت أحدهم بالالتزام بالصلاة وأن تركها كبيرة بل قد عده بعض العلماء كفرا
كان رده انك متزمت متعصب او حتى يسميك داعشي
يقولك يا عم الدين أبسط من كده انتم هتخنقونا ليه
والفتاة تنصحها باللباس الواسع وعدم المكياج ترد بنفس الرد
انما يعجبهم بعض من ينتسبون الى الدعوة وهي منهم بريئة
فيقولون
هذا الداعية فلان الفلاني تزوج من الفنانة فلانة وهي على لباسها العاري ولم يخش من لوم الناس أليس هذا داعية
فلماذا تضيقون علينا؟!
أحبابي الشباب
أولا
لا نريد التضييق عليكم أبدا وإنما ترجوا الخير لكم
ثانياً
كون والدك او قريبك او إمام المسجد يدعوك الى الصلاة ويحثك عليها هذا من باب التواصي بالخير والأمر بالمعروف والخوف عليك من النار
وخصوصاً اذا كان الناصح والدك فالدين يطلب منه ان لا يدع تقويمك وإصلاحك ولو بلغت انت الثمانين
“قوا أنفسكم وأهاليكم نارا”
“وأمر أهلك بالصلاة واصطبر عليها”
وليس معنى هذا ان يكون داعشيا فإنه لم يهددك بالسلاح ان لم تصل سيقتلك

ولما انت عارف الدين كويس ليه مش بتصلي؟!!
يقولك: انا حر..
انا اللي هتحاسب
ملكش دعوه…
أنت حر تختار عروستك وجذمتك ونظارتك
لكنك مش حر لما يكون ربنا أمرك بالصلاة وحضرتك بتعانده
دي مش حرية
ده اسمه انفلات من الدين وتضييع لنفسك بجهلك مهما كنت عالم وعبقري
هو ينفع تكون طبيب وشايف ابنك بيشرب أدوية غلط ممكن تموته وتنصحه انه ما يشربهاش
ويقولك أنا حر
انا اللي هموت مش انت
لو انت مكان الطبيب ده هتسيب ابنك يموت نفسه وهو جاهل
ولا هتمنعه من ايذاء نفسه بأي طريقة
وهل اذا منعته بالقوة انه يؤذي نفسه تكون كدة مش سايبله الحرية وتكون طبيب داعشي
فكر كده حبيبي الشاب في الكلام ده

أما دعاة التيك اواي.. والمهم قلبك يكون ابيض… واعمل اللي انت عايزه… وربنا غفور رحيم…. و يأخذ شهرة عشان كل الشباب والبنات بتحبه لانه هو اللي بيقولهم ان ميهمكيش اللبس لو حتى عريان مادام مش بتعملي غلط
والحياة حلوة ووردي وعيشوا يا بنات ويا شباب سنكم
 )   كل الكلام ده من الآخر ما ياكلش معانا )
كل اللي يشوفك بتغلط ويبرر لك الغلط عشان تحبه وما تزعلش منه…ده خاين
كل اللي يشوفك بتفشل ويساعدك على الفشل ده عدوك..
زي ما انت تكون الامتحانات قربت وانت مكبر دماغك وعايش حياتك وفي ناس بتقولك حاسب هتضيع نفسك
طبعا بمفهومك وهواك هتقول لنفسك ( سيبك منهم دول دواعش) أنا حر أذاكر او ما اذاكرش
وناس عسل بتقولك: ولا يهمك يعني اللي ذاكروا خدوا ايه
يا عم تعالى فرفش انت هتعيش كام مرة
اهو ده الداعية الكيوت اللي بيقولك ولا يهمك اتجوز حتى رقاصة مش يمكن عند ربنا تكون احسن مننا
كلام حق يراد به باطل
هو إحنا بنختار على الظاهر ولا ينفتح القلوب يا… يا طاهر
المهم يا حبيبي
الدين ده له قواعد وأصول
وهو الدين الوحيد اللي بيراعي حال النفس البشرية
ومش ممكن يضيق عليك ابدا ذي ما انت فاهم
لكن الخالق اعلم بخلقه وأعلم بما يصلحهم
هتكون مع ربنا بقلبك وجسدك
هترتاح دنيا وأخرى
هتدور على الرخص والفتاوى المايعة اللي بتبعدك عن الدين الحقيقي
هتتعب والله في الدنيا والآخرة
“أفمن زين له سوء عمله فرآه حسنا”

يا ابني عايز أشوفك في المسجد
وكل أسئلتك لها إجابات
تعالى صلي ومتكلمش حد
( بس… انج بنفسك(