• حسن البكوش

يامولاي ياخالق العبيد

باسط لرض وامعلي السما

تم العام وجا عاماً جديد

جاهل راه اللي الغيرك لجا

يالمتين اللي مالا سنيد

فيت عليك ماعندا اعبا

رزقت الطير ف الحر الشديد

بلا تغييم اسقيته من الماء

اطعمت الدب في وسط الجليد

كسيتا فرو درته له دفا

رفعت ايدي ياالمبدي المعيد

يللي فيك ميخيب الرجا

اتقرب كل من عندا بعيد

وتشفي كل محتاج الشفا

أصحاب الخير من خيرك اتزيد

اجعلهم دوم في عز وهنا

وأصحاب الشر باعدهم بعيد

كرهنا البيع معاهم والشرا

وكل عزيب ياخذ من ايريد

ثيب راد والا من فتاه

وكل عقيم شوقه في وليد

يا جبار اجبر بالضنا

وصبّر كل من عندا شهيد

يالعزيز وارعى من بقا

والفتان شطاط الوقيد

اتجير الناس منه ف الحيا

والنشوال اللي يسمع ايعيد

والسحار واللي له لجا

والكذاب والسارق اتكيد

اصحاح الوجه واقلال الحيا

أصحاب الفسق والقول البليد

وكل من خاض ف اعراض النسا

اللي ف الوجه تحسابه وديد

وهو ف القلب حامل لك عدا

اجعلهم دوم ف اصفاد الحديد

ايجيهم فقر من بعد الغنا

معا طاعون عنهم ما يحيد

اللي لايموت لاينظر شفا

ايعيش بصير واطرش بالمريد

لامصباه لايمشي بعصا

وأصحاب الخير والراي السديد

اجعلهم دوم في فرق النجا

الهم شيطان مايبقى قليد

انرادو شي مفتوحه السما

ويوم الموت ارحمهم ياحميد

ويوم الحشر مع امام الانبيا

يالرزاق يالعالي الرشيد

وديعه الوطن يا خير الحما

ايروق ايتم فرحان وسعيد

بعد لجداب تخظار الوطا

 وناسي وهلي في وطن الجريد

مقتك شيل عنهم والبلا

ونختم دوم بذكرك يالمجيد

ويالحبيب عليك أفضل صلا

1-1-2025