د- احمد السيد
علشان متتلخبطش .. ذات الدين ،ومن ترضون دينه مش اللي بيصلوا ويصوموا لا …
اللي بيصلوا ويصوموا دول مسلمين عاديين .. مش متدينين لو مش بيصلوا ويصوموا يبقى دول أي حاجة غير إنهم يكونوا مسلمين أمال مين ذات الدين وصاحب الدين؟ ! فوق إنه بيصلي ويصوم ..فهو: اللي يعرف حقوق شريكه عليه ويسأل عنها قبل ما يسأل عن حقوقه – ذات الدين اللي تعرف انها امرأة وإن زوجها له عليها حق القوامة والطاعة والتقدير والاحترام – ذات الدين اللي تعرف تربي عيالها على الدين لأنها اتربت عليه في بيتها – ذات الدين اللي بيتها وزوجها وأولادها أول أولوياتها…. طيب وصاحب الدين؟
- هو اللي عارف إنه راجل ويقدر يتحمل مسؤولية بيت وأسرة وده بيكون ظاهر عليه من تربيته في بيته
- صاحب الدين هو الطيب الحنين اللي يعرف يعني ايه حق زوجته عليه
- اللي هو إذا أحبها أكرمها وإن كرهها لم يظلمها يعني… الدين المعاملة ….
ملاحظة … أوعي تيجي تقولي انك انخدعتي فيه لما لقيتيه بيصلي وحافظ القرآن هي حاجة جميلة أنه يكون كدة.. لكن الأهم هو انعكاس الصلاة والقرآن على أخلاقه وده اللي لازم تتأكدي منه قبل الزواج و اوعى حضرتك تقول انخدعت فيها لما لقيتها لابسة نقاب وبتروح جمعية تحفيظ قرآن ده شيء جميل طبعا لكن كونها لابسة نقاب.. ده وكون النقاب منعكس على أخلاقها شئ جميل جدا ” يا رب نكون أتعلمنا “
