- علي الشين
من ليبيا طار الخبر وجانا
علْخُوتنا بكّانا
صبحت مدينة كاملة جبّانه
من ليبيا كذبته
جاني خبر الموت ما صدقته
مشهد يدير الرعب ما تخيلته
وديان فاضت بالجثث مليانه
كسّر الماء كياسها وقنطرته
وكمّل زحف علبنيها وسيسانه
كمّل زحف عليها
كلا حْياشها وعدّى على اماليها
درنة الجميلة شيء ما عاد فيها
الموتى عددهم زاد عالدفانة
نوجه خطابي لليبيا نعزيها
والخو ما يحسوه كان اخوانه
واجب عليا نواسي
وواجب عليا نشيلهم فوق راسي
نواسي اخوتي لي شاركوني احساسي
وعند الشدايد نفزعو لبعضانا
من غربها للشرق هوكه ناسي
لا تحز بينا حدود لا ديوانه
